ಇಚ್ಚಿಲಂಗೋಡು ತಲಕಾನಗತ್ತುವಿನಿಂದ ಕಡಕಂದಕ್ಕೆ ಹರಿಯುವ ಹಳ್ಳವನ್ನು ಸ್ವಚ್ಛಗೊಳಿಸದ ಕಾರಣ ಎಕರೆಗಟ್ಟಲೆ ಕೃಷಿ ಭೂಮಿ ನಾಶ. ಪರಿಹಾರಕ್ಕೆ ಎನ್‌.ಸಿ.ಪಿ ಆಗ್ರಹ.

ಇಚ್ಚಿಲಂಗೋಡು ತಲಕಾನಗತ್ತುವಿನಿಂದ ಕಡಕಂದಕ್ಕೆ ಹರಿಯುವ ಹಳ್ಳವನ್ನು ಸ್ವಚ್ಛಗೊಳಿಸದ ಕಾರಣ ಎಕರೆಗಟ್ಟಲೆ ಕೃಷಿ ಭೂಮಿ ನಾಶ. ಪರಿಹಾರಕ್ಕೆ ಎನ್‌.ಸಿ.ಪಿ ಆಗ್ರಹ.

ಮಂಜೇಶ್ವರ: ಮಂಜೇಶ್ವರ ತಾಲೂಕಿನ ಮಂಗಲ್ಪಾಡಿ ಪಂಚಾಯತ್ ಇಚ್ಚಿಲಂಗೋಡು ಗ್ರಾಮದಲ್ಲಿ ಇಚಿಲಂಗೋಡು ತಲಕಾನಗತ್ತುವಿನಿಂದ ಕಡಕಂದಕ್ಕೆ ಹರಿಯುವ ಹೊಳೆಯಲ್ಲಿ, ಕೆಸರು, ಮಣ್ಣು ತುಂಬಿದ್ದು, ಸರಿಯಾದ ನಿರ್ವಹಣೆಯಿಲ್ಲದೆ ಸಾಗುವಳಿ ನಾಶವಾಗುತ್ತಿದೆ. ಆರು ಮೀಟರ್ ಅಗಲ ಮತ್ತು ಐದು ಮೀಟರ್ ಆಳ ಮತ್ತು ಎರಡೂವರೆ ಕಿಲೋಮೀಟರ್ ಉದ್ದದ ಈ ಹೊಳೆ ಈ ಪ್ರದೇಶದಲ್ಲಿ ಹರಿಯುತ್ತದೆ. ಮಳೆಗಾಲದಲ್ಲಿ ಈ ಹೊಳೆ ಉಕ್ಕಿ ಹರಿಯುತ್ತದೆ, ಸಣ್ಣ ನದಿ ಮತ್ತು ಹತ್ತಿರದ ಜಲಮೂಲಗಳನ್ನು ಸಮೃದ್ಧಗೊಳಿಸುತ್ತದೆ. ರೈತರ ಸುಮಾರು 350 ಎಕರೆ ಭೂಮಿ. ಈ ಹೊಳೆಯಿಂದ ಹರಿದು ಬರುವ ನೀರಿನಿಂದ ಸಮೀಪದಲ್ಲೇ ಕೃಷಿ ಮಾಡಲಾಗುತ್ತಿದ್ದು, ಕೆಲ ವರ್ಷಗಳಿಂದ ಹೊಳೆಯ ಕೆಸರು ತೆರವು ಮಾಡದ ಕಾರಣ ಅಕ್ಕಪಕ್ಕದ ಹೊಲಗಳಿಗೆ ಮಣ್ಣು, ಕೆಸರು ಹರಡಿ ಬೆಳೆ ನಾಶವಾಗುತ್ತಿದ್ದು, ಅವುಗಳನ್ನು ತೆಗೆದು ಕೃಷಿಗೆ ಅನುಕೂಲ ಮಾಡುವಂತೆ ಹಲವು ಬಾರಿ ಪಂಚಾಯಿತಿ ಅಧ್ಯಕ್ಷರು, ಮಂಗಲ್ಪಾಡಿ ಕೃಷಿ ಇಲಾಖೆ ಅಧಿಕಾರಿಗಳು ಹಾಗೂ ಜಿಲ್ಲಾಧಿಕಾರಿಗಳಿಗೆ ದೂರು ಸಲ್ಲಿಸಿಯೂ ಪರಿಹಾರ ದೊರಕಿಲ್ಲ. ಈ ಜಲಮೂಲವನ್ನು ಜನರಿಗೆ ಉಪಯುಕ್ತವಾಗಿಸಲು ಮರ - ಕಾಡುಗಳನ್ನು ತೆರವುಗೊಳಿಸಿ ಮಣ್ಣು ತೆಗೆದು ಕೃಷಿಗೆ ಅನುಕೂಲವಾಗುವ ರೀತಿಯಲ್ಲಿ ವ್ಯವಸ್ಥೆ ಕಲ್ಪಿಸಬೇಕು ಎಂದು ಎನ್‌.ಸಿ.ಪಿ ಮಂಜೇಶ್ವರಂ ಕ್ಷೇತ್ರ ಸಮಿತಿಯು ಕೃಷಿ ಸಚಿವರಿಗೆ ನೀಡಿದ ಮನವಿಯಲ್ಲಿ ಕೋರಿದೆ. ಅಧ್ಯಕ್ಷ ಮೆಹಮೂದ್ ಕೈಕಂಬ, ಕೋಶಾಧಿಕಾರಿ ಆಳ್ವಾಯಿ ಶೆಟ್ಟಿ, ಅಬ್ದುಲ್ ರಹಿಮಾನ್ ಹಾಜಿ, ಸಿದ್ದೀಕ್ ಕೈಕಂಬ, ಬದರುದ್ದೀನ್, ಇಬ್ರಾಹಿಂ ಹಾಜಿ ಮೊದಲಾದವರು ಮಾತನಾಡಿ ಮುಹಮ್ಮದ್ ಆನೆಬಾಗಿಲು ಸ್ವಾಗತಿಸಿ, ಸುರೇಂದ್ರನ್ ಧನ್ಯವಾದವಿತ್ತರು.